الضره

القصه كامله .....
... الضرة ...
كانت قاعدة عم تتفرج على التلفزيون وابنا نايم على اجرها وعم تلعبلو بشعراتو ... وفجأة صار باب البيت يندق ... نيمت ابنها على المخدة وقامت تفتح 
سارة مين 
علي انا اختي افتحي 
فتحت سارة الباب 
سارة اهلين اخي فوت 
علي كيفك ياخانم ... انت قاعدة هون والمي ماشي من تحتك وانتي مانك دريانة 

سارة خير اخي وعن اي مي عم تحكي شوفي 
علي ههههه شوفي ... يامدام جوزك تزوج عليكي 
سارة حست الخبر نزل عليها متل الصاعقة بالاول ماصدقت وفكرت اخوها عم يمزح 
سارة هههه اخي انت شو عم تقول 
علي اي خليكي عم تضحكي .. لك افهمي يامخلوقة جوزك تزوج عليكي 
سارة دمعو عيونا انت عم تحكي جد 
علي لك لسه عم تقلي عم احكي جد .. اي عم احكي جد .. جوزك تزوج عليكي واليوم دخلتو 
سارة لا لا عماد مستحيل يعملا .. اخييي ليش عم تكذب علي .. 
علي اختي روقي .. روقي لاتعصبي .. اختي انا مقهور عليكي منشان هيك كنت عم عيط ... 
سارة اڼهارت وقعدت بالارض وصارت تبكي وتقول اخي ليش .. ليش عمل هيك .. ليش 
علي نزل لعندا وضما وصار يقول لانو بلا اصل .. لانو مابيستاهلك ... لانو واحد ندل 
سارة انا عماد اتزوج علي .. لك لييييش والله ولا مرة قصرت معو .. لك ليش ماقلي .. ليش خبا عني .. ليش كان عم يخوني ... ليش ماقال من الاول انو مابحبني 
علي اهدي .. خلص اختي انا معك ومستحيل خليكي تضلي عند هيك واحد .. قومي ضبي غراضك عشان تروحي معي 
سارة بدي روح لعندو ... هلق بدي روح لعندو ..بدي روح بنص خلقتو .. 
علي ما وقتو .. ما وقتو اختي .. قومي معي لنروح لعند اهلك قومي 
سارة الله لا يسامحك ياعماد .. الله يحرقلك قلبك متل ما حرقتلي قلبي .. 
علي اختي بلاه هالحكي .. قومي هلق قومي 
سحبا علي من على الارض .. وخلها تفوت تغير تيابا وتجيب ابنها وتطلع معو ... 
ضبت غراضا وهي عم تبكي وحملت ابنها وطلعت مع اخوها .. اخد علي الولد وحطو بالمقعد الخلفي مع كرسيه وهي ركبت جنبو وسكرت الباب وسندت راسا على قزاز السيارة وصارت تبكي .. وراحت بذاكرتها من ٣ سنين مضو .. 
فلاااااااش بااااااك
عماد حبيبتي سارة انا مابستحمل عيش مندونك 
سارة وانا كمان ياعمري .. 
عماد طيب شو الحل اهلك ماعم يقبلو فيني لاني فقير 
سارة خلص حبيبتي انا رح اقنعون مرة وتيتين وتلاتة 
عماد متأكدة انو رح يوافقو 
سارة انا حبيبتون المدللة ومارح يرفضولي طلب .. بس انت لازم تلاقي شغل ع القليلة 
عماد وحياتك عندي الا مالاقي شغل 
سارة وانا كمان رح ساعدك ووقف جنبك 
باااااااك
علي سارة ... سارة .. 
سارة نقزت وتطلعت على اخوها 
علي اختي وصلنا يلا انزلنا 
سارة مسحت دموعا وبلعت ريقها ونزلت وكملت ناحية البيت ... وعلي حمل ابنها ولحقا ... رنت الجرس 
فتحت الباب امها 
ميساء سارة حبيبتي خير شو إشبك ليش هيك بكياني 
علي من وراها حكي سارة من اليوم معد تطلع من هيدا البيت ومعد ترجع ع هداك البيت 
ميساء لك ليش شو صاير 
علي فوتي اختي فوتي .. 
فاتت سارة وهي عم تتحرك ڠصب وعيونا عم يشرو ... 
ابوها كان عم يتفرج على التلفزيون .. الټفت عليها وقال خير شوفي شو إشبك سارة .. شوفي يا علي 
سارة صارت تبكي بغزارة واما قربت منها وضمتا 
ميساء لك شوفي .. فهونا 
علي ماما عماد اتزوج على سارة 
جلال وميساء شوووووووووو 
سارة ياماما تزوج عليي .. لك تزوج عليي ليش ليش .. بشو قصرت معو .. 
ميساء خلص حبيبتي .. اهدي الله يلعنو واحد فلتان .. والله معد ترجعيلو غير على چثتي 
جلال شو عم تحكي يا مرا ... انتي وعياني على حالك شو عم تحكي ... وانت علي مين طلب منك تجيب اختك لهون بدون علم زوجا 
علي بابا هيدا تزوج عليها 
جلال وماعمل شي غلط الزلمة .. الشرع حللو اربعة ... 
سارة بابا انا مابدي ارجع 
جلال ماعلى كيفك .. يلا من عندك ارجعي على بيتك وبكرا بنفهم كلشي 
علي بابا سارة مابترجع 
جلال انت مادخلك ... يلا روح رجع اختك من مكان ماجبتا 
سارة بابا بترجاك 
جلال بابا سارة انتي مابتوثقي فيني 
هزت راسا بأجابية 
جلال روحي