الضره

يوم من التفكير انو كيف هيك عمل ... العما شو انو بلا اصل وناكر للجميل .. 
ام عمر اي والله معك حق لولاكي كان صايع بالشوراع لا شغلة ولاعملة 
سارة ههههه ورح يرجع 
ام عمر كيف ما فهمت  
سارة شو نسيتي انو انا يلي كنت درلو كل الشغل من هون لانو انا معي شهادة اقتصاد وهو مامعو غير الهوا .. وكلشي كان يشتغلو انا كنت قلو اعملو واذا شي تجارة انعرضت عليه يجي يقلي يشتريها او لأ .. لما يشتريها يربح اضعاف .. ولما قلو لأ التجارة تروح لغيرو ويخسر التاجر .. 
ام عمر لك انتي كنز كيف هيك فرط فيكي 
سارة لا هو مافرط فيني بس انا ماعم كفيه انا خلاني العقل المدبر وهديك للجمال والبسط .. هههه بس مارح يصير يلي ببالو واذا مابرجعو للصفر مابكون سارة ولنشوف وردة خانم رح تضل معو 
ام عمر اسمها وردة 
سارة اي اسمها وردة ... اسم على مسمى وردة بكل معنى الكلمة 
ام عمر حتى لو كانت اجمل وحدة .. مارح يلاقي احسن منك 
سارة خالتي خلص شيلينا من هالسيرة انا قلبي عم يتقطع كل بذكر .. رح مۏت ياخالة رح موووت 
ام عمر خلص حبيبتي طولي بالك .. 
سارة بس لحتى يصير يلي ببالي والله لرجعو الو ولاهلو ع الصفر وساعتها رح اتطلق منشان مايكون الون عين ويطلبو شادي 
ام عمر استهدي بالرحمن يابنتي .. وكوني بنت اصل ولاتكوني متلهن 
سارة انا خلص استحملت كتير .. ويمكن نسيت مين انا ومين بكون .. بس لا انا سارة ومو انا يلي بتنزل عليي ضرة 
ام عمر مابعرف .. يلا انا بالاذن 
سارة الله معك ... 
راحت ام عمر وسارة صارت تفكر شو بدا تعمل .. 
مسكت التليفون ودقت لاخوها 
سارة الو .. علي .. تعال ضروري بدي تاخدني مشوار ... اي هلق بقلو لضراب السخن جوزي بس انت تعا ... يلا 
رجعت اتصلت بعماد الو ... بدي اطلع مشوار مع اخي اذا ماعندك مانع يازوجي المصون ... اي شكرا . وسكرت 
قامت على غرفتا لبست وطلعت صندوق الدهب وطلعت الدهبات وحطتون بشنتايتها .. اجا اخوها وراحت معو يتبع الجزء الأخير
قصة بعنوان الضرة 
الجزء الثانى والاخير وعدتكم
علي ع وين 
سارة لعند الصايغ 
علي ليش .. معك مصاري بدك تتصيغي 
سارة لا بدي بيع 
علي شوووو ... انتي جنيتي . وقف السيارة 
سارة ليش وقفت 
علي بدي رجعك على بيتك 
سارة علي انا يلي براسي بدي اعملو ... فخليني اشتغل تحت عيونك احسن ما اشتغل من ورا ضهرك .. وبعدين انت شو جاييك 
علي لا حول ولا قوة الابالله العلي العظيم .. طيب رح امشي معك ولشوف وين رح يوصلنا جنانك 
سارة للقمة وحياتك 
باعت الدهبات .. وطلبت من اخوها واحد من رفقاتو بيوثق فيه .. ومنشان يجتمعو ..
بالبيت عند اهلا قاعدة سارة ورامي وعلي
سارة رامي انت رح تتدخل على السوق على اساس مدير اعمال تاجر كبير
رامي ومين هيدا التاجر 
سارة انا ..
علي يارب الصبر 
سارة كملت حكيها انت ماعليك الا تنفذ يلي بقلك عليه .. اتفقنا 
رامي اتطلع باخوها علي
علي لا تتطلع عليي انا مادخلني 
رامي طيب ماشي متل مابدك اختي سارة 
سارة تمام .. وانا بخبر علي 
وعلي بخبرك شو تعمل .. 
رامي على بركة الله 
..................
وبلشت الايام تمر .. وسارة بلشت تقش كلشي بالسوق .. وجوزا عماد عم يتراجع شغلو لانو في مين عم يضارب عليه .. ومالاقى ملجئ الا سارة لانو هي بفضلا وبفضل خبرتا وصل لهون 
راح لعندا .. فات ع البيت واول مافات سارة تركتو مع ابنو وفاتت على غرفتا ... لحقا وصار يدق الباب 
عماد سارة ... سارة .. ممكن نحكي 
سارة انا ماعندي شي احكيه .. 
عماد سارة انا تعبان 
سارة ما شغلتي 
عماد سارة انا تسرعت فكرت حالي حبيت بس طلعت غلطان بترجاكي سامحيني 
سارة الله بيغفر وانا لأ 
عماد شو يعني 
سارة كلامي واضح .. وانت ما الك عندي شي تاخدو 
عماد بس انتي مرتي 
سارة ع الورق وبس 
عماد ليش هيك عم تعامليني 
سارة لانو هي المعاملة كتير عليك .. وبعدين لاتنسى انا مين بكون وما انا يلي بتنزل عليي ضرة ... ومفكر انو انا رح اقبل بالامر الواقع فأنت غلطان وغلطان كتير 
عماد اذا بدك هلق بروح بطلقا .. انا تعبت من غيرك