كوثر
كانت بتيجي معايا وتابع هي كمان وفي كل مره تساله عن نوع الجنين عندي وعندها وھتموت وتعرف وانا مكنتش حاطه في دماغي اي حاجه كل اليجبو ربنا كويس
الدكتور قالنا المره الجايه ان شاء الله هيقولنا النوع ..
واحنا خارجين لقيت بسنت بتقولي
_انا كده كده واثقه اني هجيب ولد وبنت او ولدين انا حامل في توأم
يابسنت ربنا يديكي ال بتتمنيه انا بس عاوزا اجيب طفل سليم معافي سواء ولد او بنت
وكانت بتضحك علي اساس انها بتكلم بهزار بس هو ده كان الكلام الجواها
عدت الايام وميعاد الدكتور جيه ورايحين متشوقين نعرف هنجيب ايه قعدت بسنت اول واحده والدكتور كشف وقالها
_انتي حامل في .....
لو لقيت تفاعل حلو هنزل واحد تاني انهاردهالجزء_الخامس تسلمولي علي التفاعل
لقيت بسنت وشها اتقلب وبتقول لدكتور يعني مفيش ولد ولا ايه
_استني بس احنا لسه هنشوف البيبي التاني ولد ولا ايه .
المشكله انه قافل رجله مش مبين حاجه هيبان المره الجايه .
_لاء يادكتور ارجوك شوفلي التاني ليه انا لازم أتأكد
لازم تتاكدي ليه ليسه بدري علي الولاده اتفضلي انتي يامدام كوثر نطمن علي البيبي .
اهو دا كلام الناس العاقله
مبروك يامدام انتي حامل في ولد والحمدلله بصحه كويسه بس بردو لازم ترتاحي ومتتحركيش كتير ..
رجعنا البيت وكنت حاسه ان بسنت بتغلي من جواها ومش طايقه حد يكلمها نص كلمه
حمايا فرح اوي لما عرف ان هجيب ولد ولقيته بيقولي ..
لقيت بسنت بتبصلي وبتبرق
وراحت طالعه شقتها من غير ولا كلمه .
بقيت خاېفه علي نفسي وعلي ال في بطني من حقدها
بدعيلها ان التاني يطلع ولد عشان تفرح وتتلهي عني ...
طلعت علي شقتي وقولت اعدي علي بسنت اهو اهون عليها
لقيتها ناسيه الباب مفتوح معرفش ايه الخلاني ادخل لقيتها بكلم حد وبتقوله .
هتاخد كل حاجه دا بعينها مش هسيبها تتتهني علي اي حاجه والبيت دا كله هيبقا بتاعي ..
جسمي اتنفض وطلعت اجري علي شقتي وبقيت عاوزا اخد جوزي ونروح بعيد عنها وعن شرها انا مش عاوزا حاجه غير انها تسبيني وتبعد عني عشان افرح بي ابني ال بتمناه من الدنيا .
حسام جيه ولقاني مڼهاره من العياط
مالك ياكوثر في ايه في حاجه حصلت .
تمشي من هنا تروحي فين في حد زعلك ...
لاء مفيش حاجه بس انا عاوزا استقل بحياتي بعيد عن البيت ده ..
_مينفعش ياكوثر اسيب اهلي وبيت ابويا دوا ملهموش غيري انا وحازم ولو سبتهم ممكن يجرالهم حاجه
انتي شكل هرمونات الحمل مقصره عليكي بس .
عدت الايام وجيه معاد الدكتور ورحنا احنا الاتنين .
وكان باين علي بسنت القلق والخۏف اول مقعدت علي السونار
طمني يادكتور بان
_اه ياستي حامل في بنت وولد .
قولت في سري الحمدلله يارب .
مبروك يابسنت الف مبروك والله فرحتلك اوي
_الله يبارك فيكي ياكوثر
الدكتور طمنا وروحنا علي البيت وحمايا بقا طاير من الفرحه
انه هيجله حفيدين ولدين..
تصرفات بسنت بقت غريبه بقت بتحاول تتقرب من حماتي وحمايا بطريقه ملحوظه وبعد ماكانت متنزلش تحت غير اخر اليوم بقت عايشه معاهم علي طول وبقت قريبه لحماتي اكتر مني انا عارفه هي بتعمل كده ليه كويس دي منافقه وطمعانه
فيهم
انا مش زيها ولا عمري هكون
