حب خارج اردتى بقلم ماهى احمد

عم حسين وقع طب ساكت 
عز اصحي ياعم حسين فوء 
محمود ابن عم حسين جرى عليه وقاله 
محمود اصحي يابا فوء 
غرام اوعي .. سيبه انا ممرضه 
ولسه جايه تشيل طرحه الفستان من علي وشها عز راح شخط فيها بسرعه وقلها 
عز طول ما انا هنا اوعي توريني وشك في يوم واوعي تشيلي الطرحه من عليكي انتي فاهمه 

بعد ما كانت هترفع طرحه الفستان من عليها راحت نزلت ايديها وقالت
غرام سيبني اشوفه بسرعه 
عز بعد عن عم حسين وغرام بقت تقيس النبض لعم حسين لاقيته لسه عايش وطلبت من محمود يعمله مايه بسكر بسرعه وابتدت واحده واحده تفوقه 
عم حسين اخيرا فتح عنيه بيبص لقي عز مخضوض عليه حرفيا كان ھيموت عليه
عم حسين رفع ايده وطبطب علي عز وقاله 
عم حسين ماتخافش يابني انا بقيت كويس دلوقتي 
عز انت متأكد ياعم حسين ياريت ايدي كانت اتقطعت 
ولسه هيكمل 
عم حسين حط ايده علي بوق عز وقاله 
عم حسين ماتقولش كده يابني بعد الشړ عنك ماتخافش عليا انا بخير 
عز طيب قوم معايا .. قوم معايا ياعم حسين 
عم حسين جه يقوم مابقاش قادر يقوم لسعه الكورباج جت كلها علي رجله وبيحسس علي رجله لقاها كلها جايبه ډم 
عم حسين مش قادر يابني اقوم مش قادر 
عز وقتها راح شال عم حسين وطلع يجرى بي هو ومحمود ابنه علي المستشفي 
وهناك 
عز ايه يادكتور طمني 
الدكتور مين اللي عمل فيه كده حد يضرب حد بالكرباج دلوقتي 
عز ابتدي يتعصب وداس علي سنانه ولسه هيرفع ايده علي الدكتور راح محمود ابن عم حسين بصله ووقف في النص ما بين الدكتور وعز وقاله
محمود ايدك ياعز بيه مش عايزين مشاكل راعي ان ابويا تعبان جوه
عز كلم الدكتور وقاله
عز اخلص عملت معاه ايه 
الدكتور ابتدي يترعب من نظره عز لي وقاله احنا .. احنا عملنا اللي علينا وهو لازم يرتاح ومايتحركش علي رجله مش اقل من اسبوعين ويستحسن يكون هنا في المستشفي عشان نقدر نتابعه كويس
عز اعمل الاحسن لعم حسين 
محمود ايوه ياعز بيه بس ..
عز بس ايه يامحمود 
محمود ياعز بيه المستشفي غاليه اوي علينا وانت عارف الحال
عز انت هتعصبني ولا ايه يامحمود عم حسين ده ابويا زي ما هو ابوك بالظبط انت فاكره ابوك لوحدك 
محمود متشكرين ياعز بيه 
عز دخل لعم حسين وقفل الباب وراه وقاله 
عز ايه اللي خلاك تعمل كده ياعم حسين ايه اللي خلاك تاخد الضربه مكانها دي متستاهلش دي من صنفهم من صنف الستات الخاينه ياعم حسين 
عم حسين يابني انا خفت عليك لا تموتها في ايدك ويجرالك حاجه وبعدين يابني البنت دي مش هي اللي خاينه للمره دي انا عارف انت بتعمل كده ليه وعاذرك بس عايز اقولك ان مش كلهم زي بعض يابني مش كلهم مرات ابوك و.. 
عم حسين لسه هيكمل راح عز بسرعه قاطعه في الكلام وقاله 
بنبره صوت حاده وغيظ وكره 
عز لاء كلهم .. كلهم كده محدش فيهم يستاهل دوول كلهم ضلع اعوج مافيش حد فيهم عدل ياعم حسين
عز ساب عم حسين ورزع الباب بتاع الاوضه ومشي 
عم حسين ربنا يهدي بالك يابني ويريح قلبك 
عز محمود 
محمود نعم ياعز بيه 
عز خليك مع عم حسين مش عايز اشوفك في البيت تبقي معاه اول بأول وانا كل يوم هبقي اعدي عليكم اشوفكم عايزين حاجه ولا لاء 
محمود طيب ومين اللي هيشوف طلباتك ياعز بيه 
عز حط ايده علي كتف محمود وقاله 
عز ماتقلقش عليا انا هتصرف 
وطلع من جيبه فلوس واداها لمحمود 
عز خد دوول لو عم حسين احتاج لاي حاجه هتهاله 
محمود حاضر ياعز بيه 
عز ركب عربيته السودا وبقي يفتكر انه لما كان هيضرب غرام بالكرباج والضربه جت في عم حسين وبقي متعصب جدا انه في يوم مد ايده علي الراجل اللي رباه ومالهووش غيره في الدنيا من بعد ابوه حتي لو كان الضربه دي بالغلط وافتكر غرام انها هي السبب رجع بسرعه البيت وهو متنرفز بيبص لقي غرام ماتحركتش من مكانها واول ما سمعت حد بيفتح باب الفيلا راحت بسرعه حطت الطرحه علي وشها 
عز انتي .. انتي بتعملي ايه هنا 
غرام مش عارفه اروح فين 
عز غورى في اي اوضه مش عايز اشوفك مش عايز المحك هنا 
عم محمد السفرجي تعالي .. تعالي
يابنتي اقعدي في اوضه الضيوف 
غرام دخلت اوضه الضيوف وقفلت علي نفسها الباب بالمفتاح وكانت اوضه فيها سرير وتسريحه ودولاب وبعدها غرام خلعت طرحتها ووقعتها في الارض وبقت تبص لنفسها في المرايه وفكت السوسته بتاعت الفستان والدموع كانت ماليا خدها والكحل السايح علي عنيها وقتها غرام مسكت الفستان وبقت تطلع فيه كل غلها لاقيت مقص جنبها وقطعت فستانها ١٠٠ حته ومن كتر العياط قلبها ۏجعها رجلها بأيديها وبقت رجلها لامسه صدرها ونامت اليوم ده في الارض خالص من كتر التعب
وهي نايمه كانت بتقول 
غرام يارب يطلع كل ده حلم ..اكيد حلم 
ومره واحده سمعت حد بيكسر الباب مش بيخبط عليه 
غرام قامت وهي مفزوعه وبقت تمسك
قصاقيص الفستان
ووقفت ورا الباب وقالت 
غرام بخضه مين 
عز افتحي ياهانم صباحيه مباركه ياعروسه
غرام نعم 
عز افتحي الباب بقولك انا مۏتي وسمي الببان المقفوله اوعي تقفلي باب بعد كده انتي فاهمه 
غرام حاضر . مش هقفل .. مش هقفل 
عز مسك الاوكره وحاول يفتح الباب مره تانيه وقلها 
عز بقولك افتحي لا اكسر الباب وقبل ما اكسره تغطى وشك العكر ده عشان مش عايز اشوفك انتي فاهمه 
غرام كانت اصلا ومش عارفه تلبس ايه عشان تغطى جسمها مش وشها شنطتها بره نسيت تدخلها الاوضه 
غرام اوعي تكسر الباب هاتلي الشنطه بتاعتي من بره علي الاقل عشان البس وانا هعمل كل اللي هتقولي عليه 
عز نده علي محمد السفرجي 
عز محمد .. انت ياللي اسمك زفت محمد 
محمد السفرجي تحت امرك ياعز بيه 
عز هات الشنطه بتاعت الزفته دي بسرعه 
محمد السفرجي جاب الشنطه 
محمد السفرجي اتفضل الشنطه ياعز بيه 
عز شاورله براسه وراح قاله ادهالها 
عز ادهالها 
محمد السفرجي افتحي ياست غرام الباب 
غرام فتحت الباب وكانت واقفه وراه بالراحه اوي ومدت ايديها وخدت الشنطه وقفلت الباب علي طول وبعدها لبست هدومها 
عز مش كفايه كده ياست هانم هنفضل نستني الهانم لحد امتي وماتنسيش تخبي وشك قبل ما تطلعي انتي فاهمه 
غرام جابت طرحه وحطيتها علي وشها وطلعت من الاوضه وهي تقريبا مش شايفه حاجه ووقفت 
غرام انا غطيت وشي 
عز اسمعي عم حسين مابقووش هنا في البيت هيقعدوا مش اقل من اسبوعين بره في الاسبوعين دوول انتي هتقومي بكل حاجه في البيت حرفيا من غسيل لمسيح لطبيخ لكنس واقولك كمان خد اجازه يامحمد لمده اسبوعين ومرتبك هيوصلك انت وعم مدبولي بتاع الاسطبل عشان الهانم هتقوم بكل ده لوحدها
محمد ايوه ياسعاده البيه بس
عز بزعيق من غير بس اسمع الكلام
محمد السفرجي حاضر .. حاضر 
محمد مشي من هنا وعز كمل كلامه وقال 
عز وشك ده ماشفهووش في البيت انا بصحي كل يوم الساعه سته الصبح اصحي الاقي فطاري جاهز والفيلا نضيفه والحصنه واكله مستحميه والجنينه متنضفه ومقصوص الشجر الزياده برجع البيت الساعه سته بالدقيقه ارجع الاقي الاكل محطوط وتقعدي في اوضتك ماشوفكيش خارجه منها الا لما انا امشي ولو صادفت وندهت عليكي وطلبت منك شىء الطرحه ماتتشالش من علي وشك فهماني طبعا 
غرام بلعت ريقها وقالتله 
غرام اكيد فهماك
عز وشك ده ماشفهووش في البيت انا بصحي كل يوم الساعه سته الصبح اصحي الاقي فطاري جاهز والفيلا نضيفه والحصنه واكله مستحميه والجنينه متنضفه ومقصوص الشجر الزياده برجع البيت الساعه سته بالدقيقه ارجع الاقي الاكل محطوط وتقعدي في اوضتك ماشوفكيش خارجه منها الا لما انا امشي ولو صادفت وندهت عليكي وطلبت منك شىء الطرحه ماتتشالش من علي وشك فهماني طبعا 
غرام بلعت ريقها وقالتله 
غرام اكيد فهماك
عز يلا غورى من وشي 
غرام لانها كانت حاطه طرحه علي وشها والطرحه تقيله مش شايفه منها حاجه كانت بتحسس علي الحيطه عشان تقدر تمشي ومره واحده سمعت رزعت باب الفيلا في الاول اتخضت وبعدها فهمت ان عز مشي وقتها اتنهدت وضربات قلبها اللي كانت بدق بسرعه من الخۏف ابتدت تهدى شويه وابتدت تاخد نفسها 
غرام الحمدلله مشي 
غرام فكت الطرحه من علي وشها وابتدت تقعد علي الكرسي وبقت خاېفه انها بقت في الفيلا الطويله العريضه دي لوحدها وبعد كده بتبص لاقيت ان كل حاجه
في الفيلا حرفيا سودا السجاد المطبخ الدواليب الستاير كل شىء فعلا 
وبعدها طلعت اوضه من الاوض اللي فوق وفتحتها لاقيت فيها صوره عز مع راجل كبير وشريف الزفت 
غرام مسكت الصوره و تبص للصوره وتقول 
غرام حسبي الله ونعم الوكيل فيكم ربنا ينتقم منكم ياظلمه ماليش غير ربنا اشتكيله منكم 
وبعدها سابت الصوره وفتحت دولاب عز الاسود مالقيتش في الدولاب غير قمصان سودا وتي شيرتات سودا ١٠٠ قميص و١٠٠ تي شيرت متعلقين وكلهم نفس النوع باللون الاسود والبناطيل السودا 
غرام روح ربنا يسود عيشتك كمان وكمان زي قلبك الاسود ده
غرام ابتدت تدخل المطبخ عشان تحضر لعز الغدا قبل ما ييجي وبتبص لاقيت ورقه متعلقه علي التلاجه مكتوب عليها هو عاوز ياكل ايه 
غرام فكرت تحطله سم في الاكل وبعد كده قالت في نفسها 
غرام ياريتني اقدر اكون زيهم جبروت لكن انا واحده بخاف ربنا .. وبعدها فكرت تهرب وفي لحظه قالت 
غرام طيب هاروح فين ابويا رماني رميه الكلاب ومرات ابويا مش هتسيبني في حالي والناس مابترحمش 
غرام قعدت علي جنب شويه وبقت تبص علي حالها واللي وصلتله ومش جديد عليها كل الظلم اللي بيحصلها
في نفس الوقت 
الموظفين في الشركه 
الموظف كل واحد علي المكتب بتاعه بسرعه عز بيه جه بسرعه 
السكرتير هو عمره ما بياخد اجازه ابدا 
الموظف اجازه مره واحده طيب
قول يتأخر عن ميعاده حتي ده عمره
ما عملها تدق ٨ بالدقيقه بنلاقيه داخل مكتبه 
السكرتير طيب علي مكتبك بسرعه قدامه ٣٠ ثانيه ويدخل
عز كان لابس البدله السودا بتاعته علي القميص الاسود المعتاد 
والساعه الروليكس السودا ومزرر زرار واحد من جاكيت البدله
واول ما دخل الشركه الكل وقفله وكل ما
يعدي علي مكتب 
يسمع كلمه صباح الخير ياعز بيه 
لحد اخيرا ما دخل مكتبه 
السكرتير استر يارب عنيه بطلع شرار النهارده باين عليه هيبقي يوم ما يعلم بي الا ربنا 
عز في المكتب 
اول ما دخل فك زرار الجاكيت ودخل قلع الجاكيت بتاعه وعلقھ على الكرسي بتاعه بعدها وهو بيشمر الكم بتاعه نده على السكرتير
عز تعالي بسرعه 
السكرتير حاضر.. حاضر يا عز بيه 
السكرتير دخل من هنا ابتدا عز يقوله له هات الملفات اللي عايزه تتمضي بسرعه
السكرتير جاب الملفات
عز الموظفين قبضوا ولا لسه 
السكرتير لسه يافندم النهارده لسه يوم ٢٢ في الشهر 
عز ايوه بس خلاص العيد كمان اربع ايام هيدخلوا علي العيد وهما مفلسين كل واحد هيعيد علي ابنه وعيلته