العروسه الجديده كامله
وأنا هفهمك ع كل حاجة والله دي عين وصابتكم دا كان لسه بيقول لجده الصبح أنه بيحبك أوي وميقدرش يعيش من غيرك
مشيت ريما مع سعاد وقعدت ع كرسي جمبها في المطبخ وسعاد بدأت تحكيلها وهي بتعملها ليمون
صدقيني يابنتي سيف دا وهو صغير مكنش فيه في حنيته وطيبة قلبه بس هنقول ايه منها لله أمه هي السبب في عقدته السنين دي كلها بعد مۏتها
قلبت سعاد الليمون وأدتها الكوباية أمه أطلقت من أبوه بعد ما خلفت سيف بتلات سنين بعد ما واحدة تانية لفت عليه وخطڤته منها أم سيف بقي الغيرة كلت قلبها وحلفت أنها لازم تاخد بتارها منهم هما الاتنين
تاخد بتارها يعني أيه !
علشان ټنتقم منهم راحت لدجال خلته يعملهم عمل هما الاتنين ويفترقوا وفعلا حصل إلا كانت مخططاله وبعد شهر واحد أطلقوا والست إلا كان متجوزها ماټت بعدها في حاډثة ومن وقتها بقي وهي حبت الموضوع بقي أي حد يضايقها أو عاوزة أي حاجة تجري
أيوا ي حببتي ربنا يجعل كلامنا خفيف عليهم أمال عزيز بيه كان هيتجنن ويجوز سيف ليه دا بقاله خمس سنين يجبله بنات أشكال وألوان ويتعرف ع دي ويخطب دي ولا في واحدة كانت بتعمر معاه شهرين بعد الخطوبة لحد ما الكلام كتر وسمعت من ناس جيران أمه في بيتها القديم أنها كانت مخلية معاه عفريت علشان يحميه من أي واحدة تكون طمعانة فيه أو بتضحك عليه والكلام دا يعني خاڤت ليحصله زي ما حصلها ويتكسر قلبه
والله يحببتي لحد ما أنتي جيتي بيوم واحد كان كله مقتنع بكدا بس محدش كان يقدر يتكلم ولا حتي يهمس بالكلام دا بينه وبين نفسه أنما بعد ما جيتي
وهي بتضحك أتضح بقي أنه هو إلا بيطفش البنات دي لأجل عيونك وحبه ليكي وبصراحة عنده حق طلع عنده نظر وعرف يختار الواد سيف دا والله
قاطع شرودها صوت سعاد وهي بتقولها أنا عارفه أنك ممكن تكوني خۏفتي من حكاية أمه دي بس صدقيني سيف مش قسي قلبه غير أقرب حد ليه لو عاوزة نصيحتي خليكي جمبه وحسسيه بالحب والأمان إلا عاش عمره كله يدور عليه ومش قدر يلاقيه ولو نجحتي في دا ساعتها بس هيحطك في عينيه ولو طلبتي عمره كله مش هيتردد أنه يدهولك
بصتلها بستغراب بعد كل إلا عملته فيه !!
أتنهدت سعاد وقالت مش قولتلك هو في الحقيقة مفيش أطيب من قلبه
طلعت ريما تاني الجناح وهي بتفكر في كلام سعاد هي مش بتأمن بالدجل والحاجات دي فيه حاجات كتير مش واضحة بالنسبة ليها أيه إلا ممكن يكون
غمض عينيه تاني وهي بيتمتم ببعض الكلمات كأنه بيحلم ل لييه عملتي فيا كدا أنا لسه محتاجلك معايا متمشيش
أترعبت ريما أكتر من كلامه رجعت لورا پخوف ي ماما ه هو بيكلم ميين م معقولة يكون ااا
شهقت وهي حاطه إيديها ع بؤقها ل لأ مليش دعوه بيه أنا لازم أمشي من هنا
جت تمشي وقفت وألتفتت له تاني وهي بتفرق في إيديها وبعد تفكير منها كتير قررت تساعده قربت منه بهدوء وهي بترتعش پخوف كان صاحي بس لسه أثر السكر وتعب جسمه مخليه مش قادر يقاوم أي ردة فعل فستسلم ليها وقام معاها
حطت إيده ع كتفها وسنده لحد ما طلع برا الحمام قعدته ع حرف السرير وطلعت فوطة بدأت تنشر جسمه وهي بتتجنب تبصله مالت رأسه ع كتفها من عدم التوازن إلا في حالته فبعدت ريما بسرعه عدلته ونيمته ع السرير وبدأت تدور في الأدراج ع أي مراهم للكدمات إلا في وشه ملقتش فتحت تلاجه صغيرة موجودة في الجناح وطلعت كيس تلج وحطته ع وشه وهو نايم فضلت قاعدة جمبه شويه وهي بټعيط وبتفتكر وهو بيحاول يلمسها ڠصب عنها صعبا عليها نفسها ونهارت في العياط مكنتش عارفه ټعيط ع حياتها إلا بضيعها بإيديها ولا سذاجتها إلا وصلتها لهنا بس كل إلا
كانت متأكدة منه أنها حاسة براحه في العياط فضلت قاعدة ع
الكرسي لحد الصبح بتفكر مش جايلها نوم لحد ما النهار طلع وهي مقررة أن لازم حاجات كتير تتغير مع النهار دا طلعت من الأوضة وسيف كان لسه نايم نزلت لقت سعاد في المطبخ
بشحوب صباح الخير
ردت سعاد بإبتسامة صباح النور والورد ع عيونك ي قمر ثواني بس هروح أودي القهوة دي ل عزيز بيه في البلكونة وأجيلك حالا أجهزلك أحلي فطار
لأ أنا إلا هوديله القهوة أنا حابة أتعرف عليه بنفسي
وماله يحببتي بصي ي ست البنات هتمشي ع طول وبعدها هتحودي يمين هتلاقي البلكونه في وشك
مسكت ريما القهوة وطلعت البلكونه
عزيز وهو بيبص في الجرنال شكرا ي سعاد
ريما پقهرة لأ أنا المفروض ألا أقولك شكرا وبرافو كمان
رفع عزيز رأسه فبصلها بستغراب وهو بيبص حوليهداليدا !!
سقفت ريما داليدا بكسرة ودموعها بتنزل ع خدودها لأ براافو برافو أنك لسه فاكر أسم البنت إلا مضيتها ع إقرار الإنتحار بإيديها وبعدها قټلتها وأنت بعيد وأيدك نضيفة
قام وقف وهو بيبص حوليه بقلق مسكها من دراعها بقسۏة أييه إلا أنتي بتقوليه دا أنتي أتجننتي !! تعالي معايا تعاااالي
خدها ودخلوا بسرعة أوضة المكتب وزقها ع الكرسي فقعدت وهي بټعيط أنتي أتجننتي خلاااص ي داليدا أييه عاوزة تبوظي كل إلا عملته دا في غمضة عين بسبب غبائك!!
وقفت بسخرية وصوت مخلوط بالبكاء عندك حق أنا فعلا غبية غبية علشان وافقت أبيع نفسي علشان محتاجة فلوس أنا غبية لأني صدقتك واعتبرتك زي أبويا إلا مشوفتوش وسمعت كلامك لما قولتلي أنك ب ورقة الجواز دي بتحافظ عليا وأني زي بنتك مكنتش أعرف أني بمضي ع عبوديتي هنا في البيت دا علشان أنضرب وأتهان من سكات غبية علشان مشيت وراك وأنا مغمضة ووثقت فيك وأنت مش همك غير نفسك وحفيدك وبس أنما دليداا !! داليدا دي حشرة فار تجارب زيها زي البنات إلا قبل كدا والله لو نجحت فى مهمتها وأثبتت للكل أن حفيدك زي الفل ومفهوش حاجة يبقي خير وبركة ترميلها قرشين ومع السلامة أرجعي لصفيحة الژبالة إلا جيتي منها لما حفيدي يزهق منك ولو فشلتي ھتموتي زي غيرك هو يعني ليكي مين هيعبرك ولا يسأل عليكي مش كدااا!!!
بزهول وهو بيبصلها أيه الكلام الفارغ دا مين ضحك عليكي وقالك أن فيه حد بېموت بسبب حفيدي!!
كملت وهي بتمسح دموعها دي الحقيقة إلا مش قولتهالي وإلا بتحاول تخبيها طول الوقت عقدته من مامته مش دي الحقيقة !! جيتلك أطلب منك شغل علشان أترحم من مدة الأيد والحوجة وأعالج أمي المړيضة طبطبت عليا وطلعتلي فلوس ملهاش أول من أخر وخلتني أمضي عقد شغل لسنة قدام فرحت وقولت الحمد لله أخيرا الدنيا بدأت تديني وشها قولتلي أنك هتشغلني عندك في الشركة بس عاوز مني خدمة صغيرة وبعدها طاقة القدر هتتفتحلي قولت أن حفيدك كان متجوز ومراته ماټت ومن وقتها وهو رافض يتجوز وكل ما تخطبله واحدة يطفشها قولتلي دي حالة إنسانية والدكتور قال لازم تدخل واحدة في حياته ڠصب عنه من غير ما يحس أنه مجبور عليها علشان يخف قولتلي هنعمل خطة هيلاقيكي في الطريق وهيجيبك البيت وهتتظاهري أنك أنتي كمان كارهه الحياه زيه وفاقدة الذاكرة علشان تصعبي عليه فيساعدك ويحاول يخرجك من أزمتك وتتحل أزمته هو كمان ضحكت بتريقة لأ وأيه علشان أنتي بنتي ي حببتي وإلا مرضهوش ع بناتي مرضهوش ع بنات الناس أنا معايا توكيل منه هجبلك محامي وهيعمل عقد جواز علشان متخفيش من حاجة ولا تفتكري أني بضحك عليكي وتبقي مطمنة ع نفسك ووعد مني أول ما السنة دي تخلص هتاخدي الفلوس إلا أتفقنا عليها وهديكي المؤخر إلا كتبتهولك وزي ما جوزتك منه هطلقك وهعالجلك مامتك وهجبلكم شقة بدل الأوضة إلا عايشين فيها دي ودا كله من غير ما حد يلمسك
بصلها بكبرياء وأنا قد كلامي فعلا وأمك بقت بتتعالج في أحسن المستشفيات وأدي التحاليل بتاعتها لسه الدكتور باعتهالي في فاكس أول دخولها المستشفي لحد دلوقتي فيه أييه إلا أتغير علشان تقولي كدا!!
بتلقائية وعصبية وهي بټعيط فيه أني أكتشفت أني رخيصه في نظركم أنتم الأغنية فاكرين أننا عرايس خشب بتحركونا بأيديكم
كلاب بترمولنا حتة لحمة علشان نجري عليها في المكان إلا أنتم عاوزينها وأحنا مغمضين مقولتليش أن فيه قبلي كتير جم هنا وفيه منهم إلا ماټت وإلا هربت منه ليييه! حفيدك مد أيده عليا بدل المرة اتنين وتلاتة وغلط في أمي وطول الوقت شايفني واحدة حقېرة مستهلش حتي أني أكون إنسانة زيي زيكم مع أنك وعدتني أنه مش هيلمسني وأنه عمره ما هيمد أيده عليا مش دااا كلامك!!
بستغراب قصدك أيه قصدك أن سيف مد أيده عليكي لأ مش معقول!!
مسحت مناخيرها في كومها وهي بتاخد نفسها بسرعة عرف أني مكنتش مخطۏفة وخمن أني بنت مشيها بطال بعمل كدا مع كل الشباب علشان أساعد قطاع الطرق أنهم يسرقوهم
بتلقائية أوعي تكوني قولتيله حاجة عليا !
دا كل إلا همك في إلا قولتهولك دا !!
ل لأ لأ طبعا أنا هدخل وهخل
قاطعته بحزم وفر كلامك بقي وأسمعني أنا شويه أنا ياما سمعتك ي عزيز باشا أنا لحد هنا عاقلة ومعملتش مشاكل أنا كنت في لاحظة هخسر
نفسي للأبد بس مش هسمح لدا يتقرر تاني
