اسكريبت مرات اخويا بقلمي إيمان شلبي
علي الكمود عشان اعرف الساعه كانت الساعه تلاته العصر
يااااه اول مره انام كل ده
قومت وخرجت من الأوضه لقيت مازن قاعد علي الكنبه بيتفرج علي كرتون بكل اندماج لدرجه انه مأخدش باله اني موجوده من الأساس
صباح الخير ياحبيبي
انتبه علي صوتي وفجأه لقيته بيجري نحيتي وبيحضني
صباح النور يابابا
صاحي من بدري
اه بس ماما قالتلي متعملش دوشه عشان بابا نايم
هي فين ماما
رد بهمس زي
في المطبخ بتحضر الغداء
طيب كمل فرجه علي الكرتون وانا راجعلك تاني
حاضر يابابا
شاطر ياقلب بابا
اتسحبت بهدوء وروحت نحيه المطبخ لقيتها واقفه بظهرها بتحضر الأكل بكل خفه
احم صباح الخير
اول ما سمعت صوتي لفت بتوتر
ص صباح النور
ابتسمت بخفه
مصحتنيش ليه
فركت ايديها بتوتر وهي بتحط وشها في الأرض
مش انتي بتعملي الغدا
اه
خلاص هستناكي
طب تحب اعملك حاجه دافيه تشربها
امممم ماشي اعمليلي قهوه
ردت بحزم
قهوه علي الريق لا
رديت بابتسامه
خلاص اعمليلي نسكافيه
ردت بتذمر
نسكافيه علي الريق برضو لا
ضحكت علي رد فعلها وانا برفع اكتافي بحيره
خلاص اعمليلي اي حاجه علي ذوقك
خلاص هعملك ينسون
ينسون!!!
ايه مش بتحبه
لا بس....
قاطعتني بضيق
يبقي اعملك لمون سخن
حكيت راسي وانا ببصلها
هو حد قالك اني عندي برد ولا ايه
بصتلي بقرف
انت بتتريق عليا
محصلش
ردت بضيق
خلاص اطلع
انتي زعلتي ولا ايه انا بهزر و....
قاطعتني وهي بتحط الينسون علي البوتجاز
ابتسمت وانا ببصلها بمشاعر مختلفه تماما عن زمان برقه
ربنا يخليكي ليا يانوري
ابتسمت بخجل ولفت وشها النحيه التانيه من غير ما تنطق حرف
خرجت من المطبخ قعدت مع مازن وشويه وخرجت وحطت الينسون قدامي وطلعت تجري علي المطبخ بتوتر
بعد مرور أسبوع
رحيم هو انا ممكن أسألك سؤال
اتفضلي
هو انت بتعمل معايا كده ليه
رديت باستغراب
مش فاهم قصدك ايه
يعني انت ليه بتعاملني بالرقه والهدوء والحنان ده
شفقه يعني عشان قولتلك اني عمري ما عيشت يوم حلو في حياتي ولا عشان تحسس نفسك انك قادر تنسي ياسمين !
سكتت لحظه وبعدها بصيتلها ورديت بصدق
عيونها لمعت بالدموع وسكتت لحظه وبعدها ردت بصوت مهزوز
انت بتتكلم بجد يارحيم
تعرفي يانور لو كنت قابلتك زمان كنت حبيتك من اول نظره انتي فعلا جميله رقيقه مفيش احن من قلبك انا ربنا بيحبني عشان بقيتي معايا فعلا
رحيم ا انا انا...
انتي ايه
هو انا لو قولتلك اني بحبك هتكرهني
سكت لحظه وملامح الصدمه اترسمت علي وشي
قلبي دق بشكل مريب
عيوني لمعت بفرحه
اترعشت من جمال الكلمه وخاصه منها من نور اللي عمري في يوم ما كنت اتخيل يجمعنا ولو حتي حديث داير !
حطت وشها في الأرض وبلعت ريقها وبعدها اتنهدت وبدأت تتكلم بجراءه لاول مره
لما كنت بتيجي عندنا زياره انت وياسمين وأشوف تصرفاتك معاها وقد ايه كنت حنين وراقي ورقيق في كل تصرف كنت بټخطف ڠصب عني ك كنت بحب حنيتك اوي وبتمني لو ابقي مكان ياسمين ولو لحظه واحده اتمني حد يحبني ېخاف عليا يعاملني كأني حاجه غاليه
عيونها لمعت بالدموع وهي بتبصلي ببراءه
والله العظيم عمري ما كرهتلك الخير كنت دائما اقول ربنا يسعدهم ويعوضني خير هو هو بس اللي حصل والله كان ڠصب عني حبيتك من غير ما اقصد والله
قومت قعدت علي ركبتي قدامها وانا بمسك ايديها وبضغط عليها وببتسم بهدوء
هشششش انا مصدقك من غير ما تحلفي
وبعدها غمزتلها بمرح
وبعدين هو انا اطول أن القمر ده يحبني ياعم
ابتسمت برقه وهي بتمسح دموعها وبتبص في الأرض
ش شكرا
هو انا ممكن اطلب منك طلب
رفعت راسها تبص في عيوني
اتفضل
ممكن تعمليلي ينسون
ملامحها اتغيرت للأمتعاض وبصتلي من فوق لتحت
بقي بذمتك
