احببته
انت في الصفحة 2 من صفحتين
يوم بفكر في طريقة تخلصني منه
طب أقتله !! كدا هتحبس ويمكن اتعدم
لا لا ..الحل دا مش نافع
طب أخلعه !! برضو صعب
ممكن اخوه يقدم الشيكات وابويا يتسجن
يبقى معملتش حاجه
هو ليه مش عاوز يكرهني بعد كل اللي بعمله دا
كنت عند ماما وحسيت بتعب وارهاق
خدتني وروحنا الدكتورة ..اكتشفت اني حامل
طب ازاي ! انا كنت عامله حسابي كويس
_افرح ايه بس ..انا مروحه
رجعت البيت ومكنتش عاوزه أقوله
فكرت اتخلص من الحمل واسقطه ..لاني كدا
هتربط بيه اكتر ..وانا عاوزه اخلص منه
ذنبه ايه الطفل اللي جاي دا ..يتعذب بين أب وام مبيحبوش بعض
فات يومين ولقيته راجع زعلان
_مالك يا مصطفى ..في حاجه
_انتي ليه مقولتليش انك حامل
_ايوه عرفت
_كدا يا ماما
_ردي عليا ..هو انا مش من حقي افرح
بخبر حلو زي دا
_ماهو اصل ..
_اصل ايه !
_مفيش انا بس كنت مستنية فرصة عشان اقولك
_انا اتخنقت من اسلوبك دا بجد
_رايح فين
_سايبلك البيت وماشي .عشان ترتاحي مني
حسيت أن قلبي وجعني عليه
وكنت عايزه اقوله أستنى متمشيش
بس كرامتي منعتني
رجعت بيت أهلي وانا زعلانه
_مالك يا هبة
_البيه سايب لي البيت ليه 4 أيام ومسألش فيا
_وايه السبب بس
_زعل عشان معرفتوش اني حامل
وعرف من ماما قبلي
_طب انتي ليه مفرحتيهوش بالخبر الحلو دا على طول
_عشان مش طايقاه ولا متقبله فكرة جوازنا دي من الاول
_على فكرة أنتي ظالماه
ولما عرف بموضوع الشيكات اللي لأخوه علينا
رجع تاني ..دا معناه ايه
_اولا هو مجابش سيرة اي فلوس خالص
ولا حتى لمح بكدا
وثانيا بقى والأهم أنه ليلة الفرح وقبل كتب الكتاب
جاب لي الشيكات وقالي
اتفضل يا عمي عشان شيكاتك ..انا ولا اخويا
لا يمكن نفكر نأذيك ..انت زي والدنا الله يرحمه
ولا هطلب من حضرتك ترد الفلوس غير في الوقت اللي يناسبك
_مصطفى عمل كدا يا بابا !!
_ايوه هو مقالكيش
_لأ ..ولا جاب لي سيرة خالص
ساعتها زعلت اوي من نفسي على سوء معاملتي ليه
على كل لحظة دايقته فيها وكل كلمة جرحته بيها
بسرعه جريت على بيت أهله
خبطت فتح لي الباب
_ايه اللي جابك ..اكيد جايه تتخانقني
عشان سايبك لوحدك ومش لاقي حد تتعصبي عليه
وتقولي يلا طلقني مش كدا
_لا طبعا ..واترميت في حضنه
_احنا معندناش ستات تطلق
_ايه دا في ايه
_في اني اسفه ..وأني بحبك يا أبو مريم
_مين مريم دي
_اصل انا من زمان نفسي لو ربنا كرمني
ببنت هسميها مريم
_طب ولو ولد
_امممم ..ممكن يكون خالد على اسم عمه
_ايه التغير المفاجئ دا
_انا عرفت كل حاجه ..بابا قالي على الي عملتوه
يوم الفرح معاه
ابتسم وقال
_والله بحبك
_ طبت عالى
بقى اقعد هنا قدامي
_ايه ..بتبصي لي كدا ليه
_عايزه احفظ ملامحك اوي
_ليه بقى!!
_عايزه البيبي يطلع شبهك بالظبط يا حبيبي
تمت
