حافظ
كده ان انتي موافقه
ڠصب عني يا ماما قاسم حطني قدام الامر الواقع وقال لي ان امر السفر محتوم ولابد منه يا اما كده يا اما هياخد البنات ويسافر ويسيبني على راحتي وقال لي ان مكان الست مكان جوزها ما يرتاح
ليه يعني ياخد بناتك هي سايبه ولا سايبه ولا هو مفكر ان هو واخدك من الشارع ويتحكم فيك على كيفه بدماغه الصعيديه دي انا لا يمكن ارضى انك تسافري اخر بلاد المسلمين وتبعدي عني انت والبنات بعد ما اتعودت على وجودكم
ما تعيطيش يا بنتي وما تشيليش نفسك وهم اكتر من همومها واسمعي كلام جوزك مكان ما هو هيقعد ويستقر انت وبناتك تستقروا معاه هو رب البيت وصاحب القوامه وهو أدرى بعيشتكم هتكون ازاي ما ينفعش ان انتي تعارضيه وما ينفعش ان انت تعيشي في مكان وبناتك وجوزك يعيشوا في مكان تاني انت من البدايه ايه اللي اخترتيه ووافقتي عليه وانتي عارفه ظروفه كويس قوي وعارفه اني مسيرك في يوم من الايام هتروحي معاه يبقى لازم تتحملي نتيجه اختيارك لانك مسؤوله عن عيله دلوقتي وخاصه لما يكونوا بنات محتاجينك انت وابوهم ايديكم في ايدين بعض
كلام ايه اللي انت بتقوله ده يا ابو زينه ازاي عايزها تسافر الصعيد وتسيبنا والبنات تبعد عننا بعد ما خدنا عليهم انت متخيل ان بنتك مش هتشوفها الا كل سنه مره وانها راحه هتعيش مع ام قاسم وانت عارف انها ست شديده وبنتك عمرها ما هتعرف تتاقلم معاها دي بتكلمها بالعين والحاجب وانت عارف ان زينه رقيقه وما تستحملش المعامله دي وانا عمري ما افرط في بنتي ولا أذيها نفسيا ولا اسيب حد يتحكم فيها
كلامك اللي انت بتقوليه ده ما لوش لازمه لان بنتك متجوزه راجل يقدر يحميها وېخاف عليها هي وبناتها زي عينيه وانت عارفه ان قاسم عمره ما هيخون الامانه اللي ائتمناه عليها وعمره ما هيسيب حد يزعلها ولا ېهينها ويا ريت ما تشيلهاش من حماتها وتحسسيها انها رايحه تعيش مع هولاكو الست اللي ربت قاسم بالادب والاخلاق والتعليم العالي وعمرنا ما شفنا منه حاجه وحشه طول السنين اللي فاتت دي عمرها ما تبقى بالقساوه والجحود اللي انت بتتكلمي عنهم ده
شوفي يا بنتي الراجل لما جه طلبك مني قال لي صريح العباره ان هو هياخدك وهيعيش في الصعيد بعد ما ياخذ الماجستير والدكتوراه وان هو هيستقر هناك وانتي كنت عارفه كده وافقتي على كل الكلام اللي هو قاله وخاصه انه ما خدعناش يعني ما اتجوزتيش على انك هتعيشي هنا في مصر وبعد السنين دي كلها جه فاجئك ان انتم هتروحوا تعيشوا في الصعيد في مكانه وسط أهله وناسه انت عارفه كل ده من البدايه فلازم تطيعي جوزك وما تخسريهوش علشان مش هتلاقي زي قاسم تاني وبالنسبه لحماتك نعم وحاضر بتريح على الاخر ومهما تقول هي ام جوزك وزي والدتك استحمليها طالما ما فيش اهانه ولا تجريح استحملي غيرتها على ابنها الوحيد اللي ما لهاش غيره واللي سابته لك عشر سنين بعيد عنها وعن حضنها وضحت علشان خاطر يتعلم وياخد شهادته العاليه ويرجع لها ثاني منصور فمش هنكافئها في الاخر ان احنا نحرمها من ابنها الوحيد
شوفي يا قاسم يا ابني لازم تشوف حل وسط في موضوعك انت وزينه ما ينفعش ان انت تاخدها وتسافر مره واحده كده وكان ملهاش اهل مش هيعرفوا يعيشوا من غيرها لازم يكون فيه حل للموضوع غير ان بنتي تروح تستقر هناك في الصعيد
سبحان الله يا حماتي مش قادره تستحملي ان بنتك هتبعد عنك مع ان امي ربنا يديها الصحه بعدت عنها سنين من عمري وانا ابنها الوحيد ما تعقليها قبل ما تتكلمي وتشيلي بنتك الهم اكثر المفروض انت تكوني داعم ليها وتعرفيها ان مكان الست مكان جوزها
انت امك قدرت تستحمل بعيدك عنك ربنا يديها القوه اكثر واكثر اما انا ما اقدرش استحمل حد من بناتي يبعد عني وخاصه لما يكون الفرق بيننا ساعات ما لهاش اول من اخر بنتي علشان تيجي هنا مش اقل من 10 ساعات سفر فلازم يكون في حل ثاني غير ان بنتي تسافر وتعيش في الصعيد هي وبناتها عشان هم مش هيقدروا يتاقلموا هناك
رد عليها قاسم بنبره فيها بعض السخريه
انت مفكره الصعيد ده ايه يا حماتي مفكراه تحت الانقاض زيه زي مصر بالظبط في كل حاجه في المعيشه في هناك على فكره تكييفات وعربيات على اعلى مستوى وسوبر ماركت في كل حاجه ومولات مجهزه من جميع انواع اللبس والبراندات الصعيد اتغير خالص والجو هناك جميل ومريح نفسيا للعيشه فيه انا مش هرمي بناتي في الڼار ولا هروح اوديهم مكان هيعيشوا فيه تحت الارض انت ما تعرفيش ان حدانا في الصعيد قصر كبير يرمح فيه الخيل مش حته شقه صغيره مدفونين فيها انا وبناتي وهي وغيري اكده لازم يعيشوا مع جدهم وجدتهم وفي عزهم كفايه عليهم غربه لحد اكده
يعني انت مصمم يا قاسم تحرمني من بنتي واحفادي اللي بقى لهم سنين عايشين معايا وفي حضڼي وانا اللي مربياهم ومره واحده كده تيجي تقول لهم يلا نمشي طب قول كلام يتعقل يا شيخ قول كلام ينصف الحق اللي انت بتحيد عنه ياجوز بنتي
والله يا حماتي انت اللي مش بتقولي كلام الحق ولا العدل بنتك عايزه تشوفيها وتقعدي معاها هي واحفادك بيتي هناك في الصعيد مفتوح ليكي ياكش تعيشي معاهم العمر كلاته احنا ولد اصول وابوي وامي ناس هيفهموا في الاصول وهيعرفوا يكرموا اهل مرتي وموضوع حل الوسط ما فيش يا حماتي انا ومراتي وبناتي هنسافر لبلدي وهنعيش فيها واظن ومن غير كسوف انت ما لكيش دخل في الموضوع ده خالص الموضوع ده بيني وما بين مراتي غير كده ما حدش له دخل خالص زي ما اظن برده ان لما جيت طلبتها منك انت وباباها ما اعترضتوش على النقطه دي وانا اكدت عليها بدل المره 10 عشان ما احبش اكون اناني او مش صريح او متسلق عشان اوصل للحاجه اللي انا عايزها اخبي حاجه كبيره عارف انها كانت هتعمل لي قلق في المستقبل وسبحان الله ورغم ان انا معرفكم
