نوال

بيه ....وانتي مش اي جمال... انتي جمال يوقف الحال 
نوال ضحكت برقه وقالت.... على اساس ان انا مصدقاك ماشي يا اسطى حسن... حلوه يا اسطى حسن دي 
حسن ضحك وقال ....هيه حلوه بس من شفايفك تجيب السكر 
نوال ابتسمت وقالت.... بس وقف هنا وبطل غلبه
....و نزلت وقالت...... يلا اشوفك في البيت
حسن قال بسرعه.... استني.... هاجي علشان اخدك الضهر اوعي تطلعي قبل ما اجي

نوال ابتسمت وقالت... ما فيش داعي اتعبك
حسن تبتسم وقال.... يا ريت كل التعب بالشكل ده انا مستعد تعب ليل نهار 
نوال هزت راسها بيأس ومشيت لسه هتدخل الجامعه وقفو قدامها مجموعه بنات ومن ضمنهم بنت قالت ....نولا كويس اني شوفتك حبيت تكوني اول واحده تباركي لي مش انا وايمن اتخطبنا
نوال بصت لها بضيق وقالت.... الف مبروك يا دليا
ولسه هتمشي وقفت قدامها تاني وقالت.... اه معلش ازاي نسيت انك كنتي مخطوبه لايمن وهتتجوزوا...بس انتي اكيد مقدره موقف ايمن وان مركزه المرموق ميسمحلوش يكمل مع واحده زيك افلست وعاشت في الحواري... لكن صحيح قولي لي انتي بجد بقيتي عايشه في حاره 
بقلم...زهرة الربيع
نوال اخذت نفسها بالعافيه وقالت... اه يا حبيبتي عقبالك
و لسه هتمشي داليا ضحكت جامد وقالت ....لا يا قلبي ده المستحيل بعينه انا ببايا مش حرامي ومختلس ونصاب علشان يحصل لنا كده
نوال بصت لها پغضب شديد ولهنا مقدرتش تستحمل وقال... احترمي نفسك انا بابايا اشرف راجل
داليا ضحكت هيه وصاحباتها و قالت....والله زعلانه عليكي يا حرام ليه مش عايزه تعترفي ان باباكي واحد نصاب وكان كسبان كل الفلوس دي بطرق غير مشروعه ولولا انه ماټ كان زمانه محپوس وسط المجرمين اللي زيو
نوال زقتها پغضب وقالت.... احترمي نفسك بقولك
البنت كانت هتقع بس زمايلها سندوها وقربوا پغضب من نوال ودفعوها بقوه كانت هتقع على الرصيف بس وقعت بين ايدين حسن اللي سندها بسرعه وقال باستغراب ولهفه ...نوال انتي كويسه 
نوال رفعت عيونها ليه بدموع وسندت راسها على وبقت تبكي بقوه وهي مش قادره تستحمل ابدا اللي اتقال 
حسن اتفاجئ باللي حصل ده وبقى يهديها وقال..... اهدي يا نوال تعالي معايا
ولسه هيمشوا داليا قالت بضحك ....مين ده يا نولا الشوفير بتاع عربيتك الجديده ...وضحكو كلهم سوا 
حسن بص لها پحده نظره ارعبتها وقال..... لولا ان ربنا اكرمكم وكلكم بنات كنت رجعت وريتك انا مين وعرفتك اللي دفعتيها دي تبقى مين .....بس هقول لك كلمتين خديهم حكمه ..الفلوس مبتعليش صاحبها..... المعفن بيفضل معفن والجزمه لو عبيتيها فلوس بتفضل جزمه..... والفقر ما بينقصش برده من قيمة صاحبه الغالي بيفضل غالي والجواهر لو لفيتيها في خيش بتفضل جواهر
واخد نوال من ايدها على التاكس بتاعه وسابهم واقفين يبصوا له بغيظ
في العربيه نوال ابتسمت له بدموع وقالت ...شكرا بجد..كنت فاكره نفسي لوحدي
حسن ابتسم ومسح دموعها وقال...اللي زيك ما تبقاش لوحدها ابدا يا بت ...عمر الورود ما بقت وحيده حتى
لو فضلت لوحدها في البستان لا النحل ولا الفراشات بيسيبوها 
نوال ابتسمت باعجاب وقالت... كلامك حلو قوي يا حسن
حسن ابتسم وقال.... الحلو للحلو
نوال ابتسمت وقالت..انت رجعت ليه
حسن قال ...انا ممشتش اصلا فضلت مستنيكي من بعيد لحد ما اطمن انك ډخلتي وشفتهم بضايقوكي... ها بقى صلي على النبي كده وقوليلي ايه اللي حصل
نوال بدات تحكيله كل اللي حصل وهيه
مرتاحه بالكلام معاه حتى حكايه ايمن قالت بدموع.... كنا خلاص هنتجوز بس لما عرف انا بابا خلاص افلس ما بقتش أنفعهم... وراح من ضمن اللي راح
حسن ابتسم بحزن عليها وقال .....لازم تعرفي