نوال

تصوتي تاني
نوال هزت راسها بالموافقه اول ما شال ايده مسكت المخده وضړبته بيها بقوه وشدت الملايه عليها وقالت..... انت بتعمل ايه هنا اطلع بره لو سمحت انا غلطانه اللي جيت اقعد في بيت فيه واحد كان لازم اسال الاول
حسن ابتسم وقال... يا بت اهدي انا بقول لك جيت اصبح عليك بس
نوال قالت بغيظ .اللي يجي يصبح يخبط على الباب الاول...مريض بجد

حسن قال بسرعه... طيب انا اسف اخرج اخبط وادخل تاني
نوال بصتلو بنفاذ صبر وهو قال بسرعه..احم..تمام...هاستناكي بره على الفطار... ووقف عند الباب والټفت لها وقال ....بنت يا لولا حد قال لك ان جمالك عنب مخمر ...وعودك فراخ محمر 
نوال حدفت عليه المخده بغيظ وقالت.... لا محدش هيقول كده غير واحد جعان زيك اتفضل اطلع بره
حسن ضحك وطلع وهي بصيت لطيفه بزهول من جنانه وظهرت ابتسامه على شفايفها لا اراديا وهيه بتفتكر كلامه ونظراته 
بعد شويه كانوا بيفطروا سوا وكان بيبصلها باعجاب شديد ومش شايل عينيه من عليها امه بصيت لهم وقالت... عملتوا ايه في الاوضه
نوال قالت بسرعه و قلق.... هنعمل ايه يعني يا طنط عادي اهو بس تلاقيه نسي اني كنت نايمه فيها ودخل زي ما بيدخل كل يوم عادي 
امه بصت لها باستغراب وقالت.... دخل فين ....انا قصدي امبارح خلصتو الاوضه تنظيف ولا لا ...وبصت لابنها بشك وقالت... هو انت يا ولا دخلت عندها الصبح ولا ايه 
حسن لسه هيرد نوال وقفت بسرعه وقالت بارتباك.... طيب انا اتاخرت على الجامعه عن اذنكم 
ولسه هتطلع حسن وقف هو كمان وقال بسرعه... استني انا هاخدك معايا اوصلك بالتاكسي و اكمل شغل ...عايزه حاجه يا اما
امه بصت له سخريه لما فهمت انهم بيتهربوا منها وقالت ...عايزاك طيب يا قلب امك
حسن نزل هو ونوال اللي قالت بغيظ منه ....مبسوط كده كسفتنا قدام والدتك تفكر ايه دلوقت 
حسن بصلها بدهشه وقال.... هو انا اللي كسفتنا ولا انت اللي اتسحبتي من لسانك ..هي بتتكلم على التنظيف بالليل
نوال اتنهدت وقالت... وانا ايش عرفني بقى اللي حصل
ونزلو سوا ولسه هيركبوا التاكس قربت منهم بنت لابسه عبايه وقربت من حسن وقالت.... صباح الورد يا اسطى حسن هي خالتي نجيه فوق اصل عامله رز بلبن وقلت اجيب لها طبق لاني عارفاك بتحبه 
حسن قال بارتباك ....اه فوق.... فوق يا عبله 
عبله بقت بتبص لو جامد وقالت.... ما حدش بيشوفك ولا بتطل وحشتنا يا اسطى حسن
نوال كانت بتبص لهم بدهشه وركبت التاكسي بسرعه وقالت ...لو هتوصلني انا هتاخر
عبله بصت لها بضيق وقالت... نسيت اسالك مين ضيفتكم دي يا اسطى حسن
حسن قال ....بعدين يا عبله بعدين.... اطلعي لامي هي فوق وركب التاكسي وطلع بسرعه وهيه بتبص لطيفهم بغيظ
على الطريق نوال مسكت الشنطه بطرف صوابعها طلعت منها شيكولاته وفتحت واحده وقالت بتقليد...احم تاكل شيكولاته شكلك بتحبها يا اسطى حسن..دي حلوه خالص يا اسطى حسن
حسن ضحك جامد وقال.... اقدر افهم ايه اللي مضايقك من وقتها
يعني 
نوال قالت بضيق... لا ابدا ما فيش.... واقفين تضحكو وتتسهوكوا مع بعض وانا وسطكم زي الجردل... المفروض من الذوق يا استاذ لما يكون معاك واحده حتى لو كانت والدتك تحترم وجودها
حسن ضحك وغمز وقال... متاكده ان المسأله كده بس 
نوال قالت باستغراب ....لكن انت مرتبط بالبنت دي
...يعني في
الاساس مرتبط وعمال تعاكس فيا من امبارح انت ازاي كده ازاي بالاخلاق دي
حسن ضحك جامد وقال.... اولا انا مش مرتبط ثانيا حتى لو مرتبط ما اقدرش اشوف جمال وما ابديش اعجابي