مريم وليد محمد. حواديت_مريم_وأدهم

لأني واحدة فيلسوفة بس لأني بشوفها من نظرة مختلفة.. مش شرط نظرة حد تاني للحياة تكون غلط علشان مش شبهي بس الحكاية ليها جوانب.. يمكن كل واحد فينا يكون شايفها من الجانب المقابل ليه وبشكل أو بأخر أنا مش سهل أقتنع بوجهة نظر مختلفة عني.
كشخص غير فضولي إطلاقا والتدخل في حياة الغير مش شغلتي ولا دي إهتماماتي.. فأعتقد فيك حاجة مختلفة لفتت إنتباهي وبشكل واضح.
بصيت جنبي لقيته ادهم قاطع لحظات الإهتمام وكل اللحظات عمتا.
أنت مزعج.
كمل وهو بيشرب من كوباية الشاي اللي حاطتها على السور بشكل مستفز
حبيبتي تسلمي.
بكلمك بأمانة والله عايز إيه مني
كمل بهدوء وهو بيمدلي الشاي
تشربي شاي
معايا قهوة..
كمل بحماس
واو نبدل
حركت راسي بنفي
لأ أنا كده مبسوطة.. وخليك في بلكونتك وخليني في بلكونتي ومتحاولش تقطع صمتي وخلوتي بنفسي تاني.. فاهم
رفع حاجبه بغلاسة
علشان إيه
كملت بتحدي وعصبية
علشان مقتلكش.. وعايزاك تفهم حاجة مهمة..
كمل پخوف مصطنع
أنت اللي قټلت موفاسا ولا إيه
ضحكت ڠصب عني فكمل بابتسامة
عسولة بصراحة معرفش ليه بتداريها..
يا بني أنا جارتك مارس هوايات الرجالة المفضلة دي في الشارع.. مش مع جارتك!
والله أنا مبحبش اتعامل مع ستات فمعنى إني أتعاملت معاك إنك طيبة.
رفعت حاجبي وكملت بعصبية
أنت إنسان غتت هسيبهالك مخدرة.
سمعت صوته وهو بيعلق بغلاسة
مخدرة ولا مخضرة
كإنسان هو مسلي يعني ده أنا لو قاعدة فاضية في البيت ومش لاقية حاجة اعملها ممكن بدل ما اشغل
التلفزيون أكلمه يسليني.. حرفيا ولا اللب.
مريم أنت كويسة!
كنت واقفة في المطبخ باصة لكل الأطباق اللي اتكسرت مني وأنا بطمن إن كوباية معثن موجودة كنت ماسكة الكوباية اللي بدور عليها في ايدي.. وببص لباقي الكوبايات اللي حواليا.
ممكن تهدي
بصيت لها بخضة فخدتني في حضنها وشدت من إيدي الكوباية من إيدي
أهدي يا حبيبي محصلش حاجة أهدي يا مريم..
بدأت أعيط بصوت مسموع وعالي بعيط لأني مبقتش فاهمة حاجة.. أو فاهمة وبهرب مستحيل يكون الوسواس رجعلي أسوء من الأول أنا كنت عارفة إني كان عندي بوادر وسواس بس رجعلي أسوء من الأول من بعد ۏفاة بابا وماما!
أنتوا كويسين
كان أدهم واقف على باب المطبخ بخضة ووراه طنط.. أول ما شافوني كده جريوا عليا وطنط قربت وخدتني في حضنها
أهدي يا حبيبة قلبي مفيش حاجة فداكي يا مريومة.. فداكي الدنيا يا حبيبي أهدي.
كنت حاسة إني مش سامعة مش سامعة صوت أي حد.. طنط ورحمة خرجوني وبدأوا يشيلوا الازاز هم وأدهم كان قاعد معايا هو ورقية أخته.. كنت حاطة راسي بين إيدي فلقيت أيد بتحضني
أنت كويسة
بصيت جنبي لقيتها رقية.. حركت راسي بهدوء فأدهم كمل
تيجي نتمشى شوية
حركت راسي بنفي وكملت
لأ مش قادرة.. عايزة أنام.
كمل بنكش
لأ يلا قومي البسي وننزل ناكل ايس كريم.. يلا يا مريومة.
مش قادرة يا أدهم.
قرب شوية وشاور لرقية تقوم
ممكن تهدي هننزل نتمشى شوية.. ونشم هوا اتفقنا
مش هقول إني تنازلت قدام إصراره بس أنا كنت حاسة إني عايزة اوافق عايزة اشم هوا فعلا.
أنت عارفة إني بحب البانية جدا
حركت راسي وفضلت ساكتة فكمل
بحب اللون الاسود علشان كده عملت ماتشينج معاك فيه.
حركت راسي فكمل
عندك OCD صح
بصيت له وكملت وأنا بسند على ايده علشان حسيت بتعب
تعالى نقعد..
قعدنا فعلا فبصيت لأيدي اللي لمسته منغير خضة وخوف ومنغير تفكير كتير حسيت إني في اللحظة دي بالأخص مش طبيعية كملت وأنا ببص له
عندي فعلا.. علميا أول خطوة للعلاج معرفتك للمرض..
كملت بسخرية
أنا عارفة ومخدتش ستيب.. أو ممكن أكون توقفت من بعد ۏفاة بابا وماما.
كمل بهدوء
حابة تتكلمي
بصيت بعيد شوية وكملت
هتسمع
حط إيده على خده وكمل بابتسامة
بكل إهتمام والله..
كملت بهدوء وأنا