ياسين

بجد شكرا جدا جدا
أنت عارفه الساعة كام
كام
الساعة واحدة بليل يا هانم!
نعمم!!!
آه والله زي ما بقولك كدا
يا نهار أسود
كدا هتضطري تباتي هنا
مستحيل طبعا
المستحيل هو إنك تنزلي في وقت زي دا
ما أنت ممكن توصلني!
أنا من عيلة محافظة مبخرجش بعد الساعة عشرة
صحيح فين عيلتك!
ميتين.
آسفة جدا
ولا يهمك يلا بقى الأوضة إلي كنت فيها دي بتاعتي ف أكيد مش هتنامي فيها ف هتلاقي أوضة على إيدك ال
أنا ارتحت في الأوضة إلي كنت فيها ف هنام فيها.. تصبح على خير.
يا بنت ال
الشتيمة بتلف وترجع لصاحبها خد بالك.
ماشي يا فريدة حسابك معايا بعدين
دخلت الأوضة إلي كنت فيها وقعدت على السرير أفكر برغم إلي كنت فيه قبل ما يغموا عليا وحالتي النفسية كانت زي الزفت بس هو في ثواني قدر يغيرها أنا لغاية دلوقتي مش عارفه أنا هتصرف إزاي أو هعمل إيه وشغلي كمان .. شغلي!!!
دلوقتي إفتكرت إني لازم أنقل القاهرة علشان شغلي .. أنا بشتغل في شركة في إسكندرية وهما رقوني وعلشان أترقى لازم أنقل القاهرة! أنا حاليا في القاهرة كنت جايه علشان سبب دلوقتي المفروض أدور على شقة وأرجع إسكندرية أجيب هدومي ودوامة كبيرة أوي
لاقتها علشان كل دا يتحل لازم .. لازم أنام.
صحيت الصبح على صوت تخبيط يوسف على الباب قومت فتحت كان تقريبا لسه صاحي من النوم!
عايز أجيب لبسي من جوا
إدخل
دخل يجيب لبسه وخرج وأنا دخلت الحمام وجهزت نفسي علشان أنزل أدور على شقة طلعت برا كان هو قاعد مستنيني على السفرة علشان نفطر
تعالي نفطر يلا
لأ مش هينفع لازم أمشي
تمشي فين على الصبح كدا تعالي بس!
والله ما هينفع بجد متأخرة
رايحه فين طيب
هدور على شقة
ليه!
علشان ألعب فيها
بكلم بجد ليه
أنا من إسكندرية وبشتغل هناك ف هما رقوني والترقية دي هنا يعني في القاهرة يعني هتضطر أنقل هنا بس كدا
وأنت جيتي هنا ليه أصلا
علش .. علشان يعني .. أدور على الشقة أيوة علشان أدور على الشقة
حاسس إنك بتكذبي بس اشطا أنا عندي حل يا ستي
إيه هو
بصي أنا كدا كدا بشتغل بليل شيفت مسائي يعني وأنت أكيد شيفتك صباحي ف أنت تقعدي هنا وأنا في الشغل وأنا هقعد هنا وأنت في الشغل فاهمه يعني كأنك عايشة لوحدك
مينفعش
ليه!
مهما كان دا بيتك وأنت راجل وأنا بنت!
إحنا يعتبر مش هنشوف بعض أصلا!
مش عارفه
يلا بس نروح نجيب هدومك
BACK
من ساعتها وأنا معاه في البيت كنا ساعات بنتقابل ونقعد مع بعض شوية بس كان في حدود وحدة وحدة وقعت في شباك حبه! ساعتها إتأكدت إني لازم أمشي من البيت لما قولتله عرض عليا الجواز وحصل إلي حصل!
فضلت أعيط كتير.. كتير أوي! 
أنا فضلت طول عمري وحيدة ومعنديش صحاب أو أي حد يوسف أول حد يشاركني تفاصيلي أنا مش عارفه هعيش من غيره إزاي! 
بس كل دا مش بإيدي.. أنا ممكن أقوله الحقيقة طب ما بعد ما أقول إيه إلي
هيحصل مفيش حاجه هتتغير .. بس أنا هرتاح وهو هيرتاح!
قلبي وعقلي فضلوا يتخانقوا عقلي بيقول مقولش الحقيقة.. وقلبي بيقول أقوله بس طبعا سمعت كلام المهزأ .. قلبي!
لبست ونزلت ركبت عربيتي وفضلت طول الطريق أفكر هقوله إيه أو إزاي لغاية ما قررت أقوله إني بحبه وأحكيلوا كل حاجه!
معرفش الوقت عدى بسرعة إزاي.. بس فجأة لاقتني قدام بيته قلبي فضل يدق بسرعة جدا لو حد كان جنبي كان سمع صوته!
طلعت وخبطت على الباب شوية وفتحلي.. عينوا كانت حمره تقريبا بيعيط!
إيه إلي جابك
أ.. أنا .. أنا ك ..
هتفضلي كدا كتير
مش هدخل طيب
إدخلي
دخلت