بنتي كل يوم بتعمل كارثه
انت في الصفحة 1 من 4 صفحات
ساره ..
مينفعش انتي كل يوم اخش الاقيكي نايمة بالمنظر ده قولتلك كده حرام ..
حرام ..!! مېت مره قولتلك ابقي البسي حاجه تداري جسمك قبل متنامي ...!!
وبردوا سايبه اللاب مفتوح والأغاني شغاله انا مش عارفه اعمل معاكي ايه ..
خلاص زهقت منك ..
انا سارة عندي 18 سنة في كلية اثار بس مش بروح الجامعه كتير غير لو في خروجه مع صحابي او حفله او عيد ميلاد حد من الشله ..!!
خلاص يا حاجه قايمة وبعدين قولتلك انا مبعرفش انام غير كده ..!!
يا بنتي بقولك حرام تنامي كده هتتلبسي يخربيتك ..!!
وبعدين انتي عندك أخوكي ولد مينفعش يشوفك كده..!!
وبعدين نفسي اشوفك بتصلي ولا بتعملي حاجه مفيده غير النوم ...
اما بقا اللي هيلبسني ده فاكيد مش هيسيب كل بنات العالم ويجي يلبسني انا يعني .. ..!
وبعد الكلمة حسيت برعشة في جسمي بس مهتمتش قولت عادي .....
ابتدت الحكايه في يوم .. جيت من الجامعه بليل ودخلت اوضتي بعد خڼاقه صغيره مع ماما كالعادة..
.ماما نادت عليا عشان اتعشي معاهم قولتلها ماشي بس كملت قاعدتي علي النت ومخرجتش
علي حوالي الساعة 12 كده كبس عليا النوم ..
قومت طلعت ع السرير وسيبت اللاب مفتوح علي أغاني بصوت هادي وفردت ضهري علي سريري ومسكت الفون ودخلت ع الفيس ....!
ودخلت علي جروب للقصص الړعب واختارت قصة اسمها صليت
بصراحة اسم القصة شدني وابتديت اقرأ القصه واللي كانت بطلتها تشبهني كتير في ظروفي وطريقتي وأسلوبي في الحياه ...
ماما نادت عليا تاني عشان أقوم اتعشي معاهم .. قولتلها جايه بس برده مقومتش وبدأت اقرأ في القصة ..!!
جالي شعور ان في حد معايا في الاوضة ..
خيالات راحه جايه ..
شيلت عيني من علي الفون ثواني وابتديت اركز في كل أركان اوضتي ..
بس ملقيتش اي حاجه وابتسمت وقولت ده اكيد تأثير التعب وعشان النوم كابس عليا ..!!
بس بدون مقدمات ومرة واحدة ...
حسيت بحاجه نايمة جنبي ع السرير ..!
حاسه بحرارة جسمة ..
جسمي كله اتلبش ومبقتش قادرة أتحرك ..
بحاول الف وشي وابص اشوف ايه ده ..
بس مش قادرة ..!!
وبعدين الأمور زادت ..
وابتدي يتحسس جسمي ..
صړخت بأعلي صوت محدش سمعني صوت الأغاني اللي
انا مشغلاها بيعلي ويزيد لوحده ..
حاولت أقوم بس حسيت ان في أيد ماسكة ف ايدي ومكلبشاني ..
مش قادرة
