مصېبة يا فريده
وهبعت لحضرتك العنوان
خلاص تمام
عن إذنك.
إيه رأيك تيجي معايا يا أدهم
مادام أنت هتروحي يبقى آجي عادي.!
ت .. تمام هستناك
طب يلا أنا كدا إتطمنت عليك ف لازم أمشي علشان عندي شغل
تمام مع السلامة
سلام.
فضلت باصه عليه لغاية ما قفل الباب وراه أدهم مش بس جاري أنا دايما بعتبره أخويا الكبير من وإحنا صغيرين وإحنا مع بعض في المره قبل الحلوه ب إختصار هو سندي في الحياة!
ركزت في شغلي لغاية ما أخيرا خلصت وأخيرا هروح البيت كل يوم بستنى اللحظة دي والله أنا كتكوته صغيرة مش حمل تعب الشغل دا والله!
روحت ولإنه كان يوم متعب كلت ونمت على طول.
صحيت تاني يوم وعملت الروتين اليومي من الشغل للبيت ومن البيت للشغل وحاجه آخر ملل
سمعت صوت عربية تحت عرفت إن دا أدهم ف نزلت على طول
وكالعادة شكله بيخطف قلبي كان لابس بدلة سوده وساعة سوده وجزمة سوده ومش كدا وبس لأ القميص أسود كمان.
بس حبيب مامي قمر في كل حالاته.
أنا أول مرة أشوف قمر بيطلع بالنهار
بس إحنا بليل يا أدهم!
نعديها يا فريدة نعديها
خلاص تمام
يلا إركبي
فتحلي باب العربية وأول ما ركبت شغلت أغنية ل أم كلثوم وإنسجمت معاها .
إيه يا عم مش شايفني منسجمة!
وصلنا يلاا
طيب متزقش
دخلنا وكان مكان لطيف جدا وحسيت إني إرتحت فيه ودا عمره ما حصل!
بشمهندسة فريدة
أيوة يا محمد في إيه
البشمهندس يوسف السيوفي عايز حضرتك
تمام يا محمد خليه ييجي
مقولتليش ليه إن يوسف السيوفي هنا
لأني معرفهوش أصلا
أومال عايزك في إيه
معرفش
طب هتضطر أمشي اللواء عايزني
معلش تتعوض سلام.
سابني ومشي ومستناش إني أرد عليه حتى! بني آدم براس بخاخة والله.
دا البشمهندس يوسف يا بشمهندسة
أهل .. أنت!!!
أنت!!
حصلنا القرف يا بشمهندس بعد إذنكم
جيت أمشي بس مسك إيدي ل تاني مرة حسيت إني إتكهربت فجأة!
إوعا إيدك كدا
....
يا ابني إوعا إيدك!!
كان مركز في عيني جامد ل درجة إني خفت بس لما زعقت سابها على طول.!
مش أنت إلي هتقولي!
لأ أنا
بصفتك إيه
هتعرفي بعدين بعد إذنك يا محمد سيبنا لوحدنا شوية
ٱ.. آ. آه ت تمام
تعالي نبدأ صفحة جديدة مع بعض
ليه
ليه إيه بما إن هيكون
في شغل مشترك بينا ف لازم التعامل يكون حلو
إممم
مد إيده وقال
أنا يوسف صاحب شركة السيوفي
حطيت إيدي في إيده ونفس الكهربا حصلت ف شيلت إيدي بسرعة
بتكهرب
إيه!
إيدك بتكهرب
لأ دي مش إيدي
أومال إيه
معرفتنيش بنفسك!
فريدة صاحبة شركة المحمدي
تشرفت بمعرفتك.
أنا أشرف
نعم!!
بشرفك
نعم!!
تسلم!
قضيت وقت جميل في الحفلة والأجمل من الحفلة كان يوسف كنت كل شوية أبص عليه وكل مرة يكون هو بردوا بيبصلي بس الفرق إني كنت بتكسف ف أبص في حته تانيه لكن هو كان بيبفضل باصص بردوا!!
خلصت الحفلة وجيت علشان أمشي لاقيت يوسف قدامي!
رايحة فين
مروحه!
طيب تعالي أوصلك
لأ متتعبش نفسك ه ..
يا بنتي مبخدش رأيك كدا كدا هوصلك!
المفروض إني أسمع كلامك وكدا
بص في عيني وقالي
فريدة إركبي العربية
ركبت العربية فعلا زي الحمار المتهور!
وأول ما ركبت شغلت ل أم كلثوم زي ما متعودة
كانت بتقول وقابلتك أنت لاقيتك بتغير كل حياتي معرفش إزاي أنا حبيتك معرفش إزاي يا حياتي
مش عارفه ليه ساعتها قلبي دق! ح ..
يا فريييددةة
إيه يا عم خرمت وداني!!
بقالي ساعة بناديلك مبترديش
مخدتش بالي معلش
إيه إلي واخد عقلك يا جميل
أنت هتصاحبني يلاا
يلا!! بقى أنا دخلت هندسة كام سنة علشان في الآخر يتقالي يلاا!!
أيوة بقى إفضل أتكلم وإوجع دماغي كأنك
