فايزه
أنا فرحانة بجد ان شوفت ستات زيكوا من زمان ماشوفتش أعدة الشلت دي الله يرحمك يا ستي !
فريدة بفزع لألألأ حاسبي متقعديش
يارا معلش يا خالتي رجلي ۏجعاني
فريدة بقرف انتي مش شايفة هدومك عاملة ازاي
يارا ماهو كله بسبب أدهم ابنك أل ايه عاوز يلعب في الطينة وعاوزني ألعب معاه
شاهي پصدمة نعم مالك ومال أدهم
يارا بصي أنا ماليش دعوة هو السبب ! وأهو عندك ملأح فوق اسأليه !!!
ايمان مستفهمة مين دي يا فيرووو
صافي مستفسرة مين البنت اللوكال دي
يارا وقد جلست القرفصاء بس تصدقي يا خالتي الكنبة دي طرية في الأعدة ليكو حق تقعدوا هنا
فريدة اطلعي بره !!
يارا تؤ أنا أعدة هنا معاكي ده أنا حتى بحبك يا خالتي
شريفة اوووه سووفاج
ايمان Vulgar ع الأخر
يارا اومال أقولك ايه يا فيري !! ده حتى الاسم شبه الصابون السايل بس أقولك ع حاجة هو وحش في التنضيف ابقي هاتي بيرل بيرغي أكتر ع رأي تيتة الله يرحمها
فريدة بسسسسسس
ثم دلفت صباح ومعها أدهم وهما يحملان تورتة كبيرة مكتوب عليها happy birthday Ferro
يارا ببرود الله هو احنا عندنا عيد ميلاد ده محدش قالي عيد ميلاد مين بقى
أدهم ليارا وقد رأى وجه والدته المحتقن من الڠضب انتي بتعملي ايه هنا
يارا عادي أعدة ع كنبة الصالون
صافي ايه المهزلة اللي بتحصل هنا دي
فريدة انتي ايه عاوزة ټحرقي دمي وخلاص
يارا ليه بتقولي كده يا خالتي ده انا بحبك حب ياااااه مش قادرة أوصفلك
صافي احنا مش فاهمين حاجة من اللي بتحصل هنا
شريفة دي قلة ادب
يارا وقد قرأت ماهو مكتوب على التورتة الله ! ده عيد ميلادك يا خالتي بجد لو كنت أعرف كنت جيبتلك هدية معلش ملحوئة هتتعوض ان شاءالله طب بسرعة يالا هاتوا الشمع
يارا ممم.. نحطلك كام شمعة يا خالتي بيتهيألي سبعين كويس
فريدة نعم سبعين ايييييه
شاهي ايييييه
يارا شمعة يا خالتي ولا أقولك شكلك صح مايديش سبعين طيب نقول 69 ولا 68
فريدة مشوا البت دي من قدامي
يارا مكملة بس الشمع هيكفي التورتة ولا نجيب واحدة تانية عشان يقضي أصل التورتة مش هتبان من كتر الشمع اللي هيتولع فيها
ايمان بجد دي قلة ادب
شريفة مهزلة بكل المقاييس
صافي احنا مكوناش
