رزان
وهو يمسك بيدها ليسندها من عينيا انتي بس أؤمري
وفجأة وجدت يارا أدهم يبعد يد عمر عنها ويحملها بين ذراعيه و..
عمر انت بتعمل ايه يا أدهم
أدهم هنقضيها شكل مكسحين خلونا ننجز بقى في يومكم
يارا الله !!! ايه اللي بتعمله ده
أدهم ريحي كده شوية وانت يا فرقع لوز هات الشنط وحصلني
عمر شيال ابوكم أنا
ادهم بتقول حاجة
عمر بضيق بقول حاضر جاي أهوو
أدهم انتي لسه متعرفنيش أصلا ولا تعرفي جناني عامل ازاي ...!!!!
خرج أدهم ومعه يارا وعمر ركبت يارا بالمقعد الخلفي بينما جلس عمر بجوار أدهم ثم انطلق أدهم بسيارته نحو ...
عمر باستغراب انت واخدنا ع فين ده مش طريق البيت
أدهم جعان عاوز اكل
يارا أووف أنا عاوزة أروح بقى تعبانة طول اليوم
تجاهل أدهم يارا وتوجه إلى أقرب مطعم مأكولات ثم صف سيارته وتوجه إلى الداخل و..
عمر بصي ادهم ده بحالات اللي في دماغه بيعمله
يارا بحالات يبقى على نفسه مش علينا
عمر استحملي شوية هو أكيد هيجيب أكل تيك أواي يعني مش هيقعد ياكل فوق ويطنشنا
يارا اوووف
عاد أدهم بعد قليل وبيده حقائب بلاستيكية مليئة بالطعام الجاهز و..
أدهم خدوا
ادهم أكل .. أنا قولت أعزمكم ع حاجة خفيفة كده
عمر كل ده حاجة خفيفة
ادهم كل من سكات يا تقول الحمد لله
عمر الحمدلله.. ربنا يكتر من خيراتك يا شيخ أدهم
أدهم خدي يا يارا ده عشانك
يارا ميرسي مش عاوزة
أدهم يا شيخة خدي ده أنا عازمك
يارا ماشي هاخد بس ع شرط
ادهم ايه
يارا اني أدفع تمنها
أدهم انتي هبلة عاوزاني أخد منك تمن الأكل
ادهم دي مش حاجة ده أكل وبعدين مش انتي مريضة
يارا يعني
أدهم والمفروض يعني عيادة المړيض واجبة
يارا أها
أدهم وأنا بدل ما أدخل عليكي بكيس جوافة ولا كيس برتقال جبتلك أكل
عمر يا سلااااااام .. والصراحة انت أبو الواجب كله
أدهم يالا اتفضلي
عمر الراجل عداه العيب يا يارا وبيقول كلام مقنع !
أدهم الحمدلله اتفضلي بقى
أخذت يارا الطعام من أدهم وبدأوا في تناوله ...
في فيلا رأفت الصياد
وصل خالد إلى الفيلا وهو يحمل الكثير من الحقائب والهدايا المغلفة .. قابل وهو يصعد درجات السلم فريدة التي رمقته بنظرة فاحصة و..
فريدة ايه اللي أخرك كل ده يا خالد
خالد عادي يا ماما كان ورايا شوية مصالح وأشغال بخلصها
خالد هه .. حاجات !!
فريدة ما أنا عارفة انها حاجات بس ايه
خالد ماما أنا تعبان وعندي شغل من بدري ياريت بس تقولي لصباح تجهزلي الأكل بسرعة
فريدة طب قولي عملت ايه مع اللي ما تتسمى
خالد باستغراب تقصدي مين
فريدة هيكون مين غيرها الهانم اللي محتلية الفيلا .. بنت الخدامين
خالد
ياريت يا أمي
