حفصه

ومكنتش عارف هواجها إزاي باللي عرفته بس طالما دي النتيجة النهائية لتحاليل وأن في حد غيري فعلا ليه منعرفوش واهو بالمرة نتعرف عليه . 
مالك لسه بردو مفيش حاجة ظهرت 
تمام 
ببص عليها لقيتها متوترة وخاېفة بس دي مش نظرات خوف من النتيجة لا دي نظرات خوف من حاجة تاني أكبر .
تفكيري في نوران بدأ ياخد منحدر غريب جدا والأغرب أني في كل مرة بتوقع فيها حاجة بتطلع صح وأخرها عشت معاها موقف كانت بتحاول تأكدلي أني كنت بكلم صفاء على منى والأغرب أن صفاء قالت أنه حصل وإني كنت بسأل على منى من صفاء الغريب بقا في كل ده أني لا سألت على منى من عند صفاء ولا كلمت صفاء أصلا والعجيب لما سألت صفاء أنا سألتك عليها أمته قالتلي معاد غير المعاد اللي قالته نوران والمعادين أصلا واحد كنت فيه بلعب كورة والتاني كنت في الشغل حتى هما الإتنين مكانوش عارفين يتفقوا مع بعض للأخر واكتفو أنهم يقولوا أني فعلا سألت على منى من عند صفاء وانتهى الموضوع بأن نوران كانت حابة تتأكد إذا كنت فعلا لسه بفكر في منى ولا لا والعجيب أنهم كانوا بيتكلموا بثقة كبيرة جدا خلتني أشك في نفسي وإني ممكن أكون فعلا سألت عليها بس ستر ربنا أني كنت فاكر المعاد بتاع كل مرة كنت موجود فيه فين .
بس ده صاحبي 
وأنا
اللي المفروض هكون خطيبتك بعد فترة
منى! 
بتفضله عليا 
مش كده والله
طيب أسمع كلامي بقا ولا يرضيك حق خطيبتك يضيع! 
بس .. 
خلاص بقا هما كلمتين هتقولهم مش أكتر 
بس أنا خاېف عليه 
كلنا خايفين عليه عشان كده إحنا بنعمل كده 
بس هو ميستاهلش
لا يستاهل أسمع مني 
حاضر يا منى 
ايوة كده خليني أحبك
أنت عارفة أنه تعبان صح! 
ايوة عارفة
والحوار ده ممكن يأثر عليه جامد 
أنت بتفكر في اللي بنفكر فيه ولا أي!
تقريبا كده
خلاص بقا أنضم لينا 
ليكم مين 
هبقى أقولك سلام
أنا ك منى ممكن أبان من بره طيبة ومستوية من الأطراف وسهل تأكلني بكلامك بس الحقيقة عكس كده خالص تقريبا مبنساش أو مبعديش أي حاجة وخلاص ومش بسيب حقي بحس أن ضميري بيأنبني جامد لما بسيب حقي ف مكنش في حل تاني غير أني أخد حقي بالطريقة دي وأنا حقي اللي بدور عليه هي مشاعري اللي ضيعتها ووقتي اللي أخده وحلمي اللي سبته عشانه وقولت أنه العوض واتاري العوض ده بيضحك عليا وكان بيضيع وقته 4 سنين وأنا مصدقة أنه بيحبني لحد ما لقيته بدأ يبعد واحدة واحدة لحد ما لقيته بيقولي أنا مش مرتاح! 
اللعبة اللي جابتهاله مامته زهق منها ومبقاش مرتاح ليها ف قرر أنه يبعد عنها خلاص بس اللعبة رجعت وجاية تاخد حقها وحق حلمها وحق شغفها وحبها اللي ضاعوا تشاكي رجعت . 
منى مالك مريض على فكرة
محمد ولو الحوار زاد أكتر من كده ممكن يفقد عقله بسبب الوسواس القهري اللي عنده
منى وبالطريقة دي نقدر نخلي نوران تعمل اللي إحنا عايزينه
محمد نوران مين! 
ولسه بنتكلم على نوران ولقيناها جاية من ورانا .. 
نوران أنا يا دكتور 
عقلي فضل واقف لمدة ثانيتين مش مستوعب هو في أي ومين مع مين ومين عايز أي! 
نوران مالك مريض بالوسواس القهري ووصل مرحلة صعبة جدا وكانت بيتعالج عند دكتور نفسي قبل كده 
منى ايوة وأنا اللي كنت مستحملاه فترة العلاج دي كلها 
محمد وانتو عايزين توصلوا ل أي! 
منى بسيطة نخليه يقعد في الشارع
محمد إزاي 
منى ماهو نوران هت.. 
نوران ثواني يا منى سيبيلي أنا الطلعة دي .. محمد لما يكتشف