حسن

وفلوس كتير بس خسر كل حاجه فجاه اتنصب عليه ماقدرش يستحمل وراح فيها وسابني لوحدي ...واتحجز على البيت وبقيت في الشارع... بقيت مضطره امشي نفسي بالفلوس القليله اللي معايا عشان اقدر اكمل الكليه عشان كده جيت هنا 
حسن اتنهد بحزن عليها وقال.... يعني ما عندكيش اعمام او خوال او قرايب
نوال قالت بحزن ....عندي بس ما حدش بيستحمل حد وانا مش حابه ابقى عاله على حد...و نزلت دموعها بحزن شديد 

حسن قرب منها واخذ الهدوم من ايدها وقال ...عنك انت انا هكمل 
قعدها على السرير بالراحه وقال..... ما تزعليش نفسك قوي كده كل حاجه بتتعوض 
نوال نزلت دموعها بحسره اكبر وقالت.... بس بابا ما فيش حاجه هتعوضه....و بقت تبكي 
حسن قعد جنبها وضمھا ليه وقال ....ربنا هيعوضك اكيد باللي هيبقى بابا وماما وكل حاجه هدي نفسك بس انت 
نوال دفعتو بقوه وبعدت عنه بسرعه وقالت پغضب... انت اللي محتاج تهدى وتبطل عبط الافلام اللي لاحسه عقلك..هو انا عشان بعيط تقوم تحضني 
حسن قال بسرعه.... طب اعمل ايه طيب ما انا بشوفهم بيعملوا كده ..اسيبك ټعيطي يعني
نوال قالت بغيظ منه ...استاذ حسن احترم نفسك ما تخلينيش اسيب لكم البيت المعفن المكركب ده وامشي
حسن قال پغضب شديد.... ايه الكلام ده ليكون مش عاجبك البيت كمان
نوال قالت پغضب اكبر.... ايوه مش عاجبني
حسن قال بلا مبالاه ....انا كمان مش عاجبني ولا يعجب اي حد اصلا... لو لقيتي مكان ثاني خديني معاكي 
نوال بصتلو بدهشه وضحكت بخفه على كلامه وقالت... بجد انت مش معقول من ساعه ما دخلت وانت بتضحكني
حسن ابتسم وقال.... اي خدمه... عشان تعرفني فلته زماني و المفروض ادخل موسوعه جينيس ..كاول راجل يضحك القمر 
نوال ابتسمت ابتسامه جميله وبقت تبص له وهو بص لعيونها باعجاب وقال... عيونك طيبين قوي 
نوال ابتسمت و قالت باستغراب... طيبين ازاي
حسن قرب اكتر وهو تايه فيهم وقال.... يعني ربنا جمع طيبه الدنيا كلها فيهم...النظره منهم بتطبطب على القلب سنين
نوال ابتسمت برقه على كلامه و وهو قرب منها وقال ..بصراحه فيكي حاجات كتيره حلوه او بمعنى اصح كل حاجه فيكي حلوه 
نوال بعدت عيونها عنو بارتباك وقالت ....احم...انت اطلع كفايه كده الاوضه بقت كويسه انا هحط مفرش على السرير وانام والصبح ا بقى افضي الدولاب وكده
حسن قال بارتباك..اه فعلا معاكي حق تصبحي على خير
وطلع بسرعه وهو مستغرب نفسه ازاي مشدود ليها بالطريقه دي... مدد على الكنبه وبقى يفكر في قربها وجمالها وفضل وسط افكاره لحد ما راح في النوم 
في صباح يوم جديد قام من النوم وكانت والدته لسه مصحيتش بص على باب اوضته وطلع المفتاح بتاعه وفتح ودخل وهو بيتسحب على اطراف صوابعو بس اتجمد مكان لما لاقيها نايمه على السرير 
قرب وقعد جنبها على السرير وهو بيمرر عيونه على ملامحها ومدد جنبها بهدوء
وقال بهمس.... انتي عملتي فيا ايه من امبارح ..ده انا بايت احلم بيكي ..هو في رقه بالشكل ده في حد يخطف حد كده في حد يجنن حد كده 
نوال فتحت عينيها بنوم بس اتسعت عنيها بشده اما اټصدمت بيه في وشها ونايم جنبها وصړخت بكل قوتها بصوت عالي 
حسن قعد بزهول وقال... في حد يفضح حد كده...
اهدي صلي على النبي امي هتصحى 
بس نوال كانت بتصرخ جامد 
حسن حط ايده على بقها وبص لعيونها وقال ...اهدي اقسم بالله ما جيت جنبك لسه حالا داخل حبيت اصبح على الملامح دي قبل ما امشي ما اعرفش ليه حبيت اشوف عيونك 
نوال كانت بتبص